ङ खला ङइ गो खम्बा आरे
तसाइ
ह्राङ्से यङ्बा थुः जुबा म्हङ् मुला
ङतेन् छ्यम्
जम्बुलिङरी हेइस्हेर ठम्बा
नाङ्साल दोःबा सेम मुला ।

थ आरे गदे ह्याल
पिन्खम्ला अखम्
चु सा जम्बुलिङरी
ओसो फ्लिक दोःसी
च्याःजी ङइ ङता
ङ न्हाङरी बोमो दिबान टिम्
लोप लुङ्बा टिम्
म्हिदा ह्यल पन्बारी
म्हाइबा ङ

ङ न्हाङरी दोप्दोप्पा
थे म्लाङकाइ रेःकते
स्हाम्स्हाम् तटिबा टिम
मर ङ्हान्सुम्तेन छेःसी
ग्रेन छेम्हीङ लबान टिम ।
छोरूवाला म्हेथाङ म्रबान
तिप्लिङ दोःसी रप्जी
दमछिग ख्लासी ब्रबादा
ग्यल्हम गिरी ब्रना लजी
ङ स्हेर्खासे सेन्तेर लुङ्सी पिन्न
ङला ह्रिग्बासे ख्युप्तेः दोःना
चु सेमल्हुङसे चेम्पा सेमल्हेङ
चु सेमला स्हेरल्हाङसे

ङ मे दोःजी
नाङ्साल दोःजी
जम्बुलिङरी हेइस्हेर ठम्बारी

ङ्हेमा थाङपाल
२०१८।०९।२९

Comments

comments

SHARE