गीत संगीत मन नपराउने सायद कमै मात्र होला । दु:खमा, सुखमा अनि देश भक्ती होस् या भगवानको जपमा आखिर मान्छेको कण्ठबाट निस्कने शुर भनेकै गीत हो । नचाहेर होस् या चाहेर एकान्तमा मात्रै हैन सुनसान स्थानमा पनि निस्कने  मान्छेहरूको छाँयापछिको आफ्नो साथी भनेकै गीत हो ।

राजधानीमा हालै कवि, गीतकार, गायक, चित्रकार एवं साहित्यकार सुरेन्द्र महर्जन “अमर” को १६ औं कृति “अमर-२” गीति एल्बम गीतकार संघका अध्यक्ष चुडामणी देवकोटाबाट सार्वजनिक गरेकाे छ । अमर-२ गीति एल्बम ओएस नेपालको प्रस्तुतिमा बजारमा निस्किएको छ । सात वटा गीत समाबेश उक्त एल्बममा सुरेन्द्र महर्जन “अमर” कै रचना अनि मेलिना राई, शिव परियार, शिखा भारती, सबिन लिम्बु, निता थापामगर, दिना थानी र स्वयं रचनाकार सुरेन्द्र महर्जन कै स्वर रहेको गीतहरू म भन्दा नि, आशा मर्दै गयो, मरेर जल्छु, वीर नेपाली, तड्पिएर बाँच्ने, दु:ख र सुख गीतहरू रहेका छन् । संगीतकार राम कार्की, सन्तोष श्रेष्ठ र राज कुमारको संगीत “अमर-२” मा रहेको छ ।

बजारमा निकै चर्चामा रहेको तर एल्बमको रूपमा आई नसकेका चर्चित गीतहरू यस एल्बममा समावेश छन् । उक्त कार्यक्रममा सुरेन्द्र महर्जन”अमर” कै रचनाको एउटा गीतको म्युजिक भिडियो संगीता रायमाझीको स्वर/संगीत रहेको “हावाहुरी चलेपछि झनै याद आयो तिम्रो बिर्सू कसरी मनमा सजाएछु याद भन्नू प्यार मेरो जसरी” गीतको भिडियो पनि सार्वजनिक गरिएको छ । सरोज श्रेष्ठको निर्देशनमा रक्षा आचार्य र निराजनको अभिनय रहेको छ ।

उहाँले तीन दशक भन्दा लामो समयदेखि साहित्य, गीत, संगीत र चित्रकारीतामा लागेको कारण कवि, गीतकार, गायक, चित्रकार एवं साहित्यकार सुरेन्द्र महर्जनलाई सम्मान स्वरुप ओ. एस म्युजिक अवार्ड लाईफ टाइम एचिभेन्ट अवार्ड-२०७४ बाट सम्मानित गरेको र उहाँकै कृति प्रकाशित गरेको जानकारी दिनुभयो ।

कार्यक्रममा कवि, गीतकार तथा गायक दिनेश थानीले स्वागत मन्तव्य दिएको उक्त समारोहमा वरिष्ठ गीतकार चुडामणी देवकोटा, संगीतकार राजु सिंह, संगीतकार सन्तोष श्रेष्ठ, संगीतकार राम कार्कीबाट एल्बमको बारेमा बोलेका थिए । ओएसनेपालका विवेक कार्कीले अध्यक्षता गरेकाे कार्यक्रममा पुष्करराज बुढाथोकी “साउँतेली” ले कार्यक्रम संचालन गरेको थियो ।

SHARE