-नाम्सादिम संवाददाता
मातृभाषाको तामाङ कविता संग्रह ‘काकलिङ’ शनिबार बिमोचन गरेको छ । मोक्तान थेबाले पाठकमाझ ल्याएको उक्त कविता राधानीमा बिमोचन गरेको थियो ।

संग्रहको बिमोचनसंगै पत्रकार तथा कवि राजु स्याङतानले कविता माथि टिप्पणी गर्दै मोक्तानको संग्रहमा कतिपय शब्द छनौटमा कम्जोरी देखिएको बताए । साहित्यकार बिना थिङले कवितालाई नेपाली भाषामा अनुवाद गरेर ल्याउन सक्यो भने तामाङ् समुदायको मुद्दालाई राज्यसम्म पु¥याउन सकिने बताइन् ।

पत्रकार तथा कवि फूलमान बल तामाङले कवितामा उल्लेख गरेका शब्दहरुमा तामाङ शब्दहरुलाई प्रयोग गर्नुपर्ने जोड दिए । साथै तामाङ भाषामा साहित्य लेखिरहने कविहरुले तामाङ भाषामा नै कविता लेख्नु पर्ने बताए ।

यस्तै भाषाविद अमृत योञ्जनले तामाङ भाषामा कविता संग्रह ल्याएकोमा आफू धेरै खुशी भएको बताउँदै तामाङ भाषा प्रयोग गर्न नसके जुनसुकै विषयमा पि एच डि नै गरे पनि त्यसको महत्व नहुने बताए ।

तामाङ डाजाङले प्रकाशन गरेको संग्रह काकलिङ भित्र ३८ वटा कविता समाबेस गरिएको छ ।

Comments

comments

SHARE