दाेङह्रप पुइबा तामाङला
दोङ्पाे चाेम्लाे फापा व्हाई ।
म्हाबरि छेःजि तिनिम खर्इ ।

अउतिन लाेङ्बा ङला सेम
म्हेम्हेला गोईलो म्हाल बिसि
मामला स्यामा खै दोजि
म्हैके बिसि ङ ब्रबा
ग्लानाेन ग्लारि जोङ जोङरि
आमला न्हाली न्हाप्याङला
म्हुइला च्यल्ता खाःरेला ।
गन्बा गन्सोमला ताम म्हैके
डम्पा ह्रप्सि व्हाई काेसि ।
तम्बा तम्पे म्हैपा ङै ।

केवा पिन्जि साङग्येसे ।
चु ह्युल्सारि ङ केजि ।
सेमरि तिलाई अाम्हान्ना ।
म्हैबान मुला म्हेम्हेला ग्युई
काइरन सेःपा फापा व्हाई
गाङ स्याेङ दाेःना थेना लाई ।

ह्रिमठिम गाेइलाे मामला ग्यान
तामाङ जेसुम ङि्हन्ना चुम
बिकै म्हिसे तिला तमान
ह्राङलान गाेइलाे क्वन्ना ङम ।

याङताम थाेपताङ म्हैताेजि
सुलवर सुर्दाम अखेला
क्वन्काे पासाङ गदे ज्येला ।
न्हाप्याङरि न्हालि म्हार क्वन्ना ।
म्हुगा ब्युरु खारेरि ।
डाेल्माेम तामाङ छ्येलुरि

ह्रिमठिम पेठिम ङि्हन्ना चु
तिनि तिनि न्हाकार बिना बिना ।
तामाङ ह्युल्बा त वाङ्कै थुः ।
सक्सेन म्हैके म्हैलजी ।
म्हैलबा चु होई ह्रिमठिम त
ग्ला ग्लारि बोर्सी जुतोजी।
म्हाेक्काे त गोन लतोजि
सक्तान थेःना लताेजि ।

-रञ्जना मोक्तान तामाङ (उषा) 
तेमाल ५ राक्ता
दत्ते, ग्यनाक दालिङ्गा

Comments

comments

SHARE